Am letzten Januar-Wochenende reiste die Bohème Musig Olten nach Wiesbaden zu den Karneval-Veranstaltungen des CCW. Von Andreas, Michael und Petra wurden wir super freundlich empfangen und von den beiden Gartenzwergen Michael und Dieter mit einem interessanten Programm und vielen Auftritten durch’s Wochendende geführt.
Diese hammermässigen Tage in Wiesbaden werden wir nicht so schnell vergessen! Ein riesiges Dankesschhön an alle des CCW. Hier geht es zu den Impressionen!
Unsere zwei neuen Mitglieder, die M&M’s, haben dieses super tolle Wochenende in diesem Vers zusammengefasst.
Ond noch langem warte uf dä Tag
Si mer aui no in gueter Lag
För üsi Reis noch Wiesbade
Üses velle Gepäck go verlade
Stonde esches gange bes mer do gsi si
Aber mega loschtig met üch, natürli!
Komischerwiis erstuundlech ruig eschs gsi.
Jo der wössets, s Fasi esch de noni debi!
Chum acho chonnt scho d’Polizei die domme
Aber de Kari het natürli gäg se gonne
De erscht Uftrett esch riesig abgange
Die Wiesbadner hei grad de Chefer lo hange
D’Bar esch de aber zue, s’esch zom brüele
Am morge cha de Guschti di mies luune aber abespüele
S’Börschteli chonnt be de Wiesbadner guet ah
De Guschti werd aber weniger fröid a sim Name ha
Empfange vonere Frou met Fascinator-Huet
E Stadbommu ond es feins Ässe – rechtig guet
Verbi eschs aber gsi met de Rhue, s’Fasi stosst jetz ou dezue!
Am Nomi cha me de mache was me wott,
Öb shoppe, eis trinke oder schlofe, wenn me esch kabott
I Restaurants, uf de Stross spele mer de öisi Lieder
D’Zuehörer si grad aui im Fasnachtsfieber
De ander esch dänk emmerno am Pizza ässe,
Aber de Poukeschlag werd är nie vergässe!
Aui die em Restaurant hei e Ghörschade
Mer mache ebe rechtig Fasnacht in Wiesbade
Zrogg gohts denn metm Car weder i grossi Schoppe,
wo ponkt nüni es super feins zNacht wartet uf di ganz Groppe
Noch de lange warteziit Esches ändlech so wiit
de Marco spöut de Radezky
Ond mer stemme aui dezue ih
De Lüt do enne gfaut üsi Liedersparte
Ond mer mache grad witer em Wentergarte
Was nochhär abgoht weiss jede ellei
Gfonde hei aber zom Glöck aui s dehei
Noch paar stond Schlof, wie vöu ou emmer
verlöhnd denn aui ehri Zemmer
De letschti Uftrett stoht bevor
Ond weder eröffnet de Marco Gloor
So starte mer de öise Uftrett,
De Imarsch natürli im Glichschrett
D’Bohème het jetzt so luut gspöut
Di erschte Reihe hei s Hörgrät abgstöut
Mer hei no einisch rechtig Gas gäh
Dass mer ou rechtig chöi Absched näh!
Leider esches jetz scho dore,
Aber Gas gäh hei mer wie e more!
Wo mer dosse send, wartet ou scho de Car
Met em Knall von Rotschers Kanone werd d Fahrt eifach wonderbar!
Sinnloses umherreiten
Stundenlanges spurenlesen
Nei! Mitem Kari si mer emmer pönktlech am richtige Ort gsi
Jetz fröie mer üs riesig of di bevorstehend Fasnacht
Döt werd secher weder ganz vöu glacht
Liebi Bohème, merci för das Wochenänd met lache, musig, trenke ond ässe
Mer si üs secher, das werde mer ned eso schnäu vergässe!
©M&M’s, 27.01.2013
